اسلام آباد: (دنیا نیوز) موسم سرما کے دوران وفاق کے تعلیمی اداروں کے اوقات کار تبدیل کر دیئے گئے۔
فیڈرل ڈائریکٹوریٹ آف ایجوکیشن نے تعلیمی اداروں کے اوقات کار تبدیلی کا نوٹیفکیشن جاری کر دیا۔
نوٹیفکیشن کے مطابق مارننگ شفٹ میں تمام سکول صبح ساڑھے 8 سے ڈھائی بجے تک کھلے رہیں گے، جمعے کو سکول ساڑھے 8 سے دوپہر ساڑھے 12 بجے تک کھلے رہیں گے۔
نوٹیفکیشن میں مزید کہا گیا ہے کہ ایوننگ شفٹ میں سکول دوپہر ڈیڑھ سے شام 6 بجے تک کھلے رہیں گے۔
