ڈسکہ: (دنیا نیوز) تیز رفتار ٹرک کی ٹکر سے موٹرسائیکل سوار دو نوجوان جاں بحق ہوگئے۔
افسوسناک حادثہ ڈسکہ میں تھانہ سٹی کے علاقہ محلہ اسلام آباد کے قریب پیش آیا جہاں تیز رفتار ٹرک نے موٹرسائیکل کو بری طرح کچل ڈالا، حادثے میں موٹرسائیکل سوار دونوں نوجوان شدید زخمی ہوگئے۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، زخمی نوجوانوں کو ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئے۔
ٹرک ڈرائیور موقع سے فرار ہونے میں کامیاب ہو گیا جبکہ پولیس نے تفتیش شروع کر دی۔
