اسلام آباد: (دنیا نیوز) محکمہ موسمیات کے مطابق پیر کے روز ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہنے کا امکان ہے۔
رپورٹ کے مطابق اسلام آباد، خطہ پوٹھوہار اور بالائی خیبر پختونخوا میں صبح کے اوقات میں چند مقامات پر کہرا پڑنے کا امکان ہے۔
پنجاب ، خیبر پختونخوا کے زیادہ ترمیدانی علاقوں اور بالائی سندھ میں صبح، رات کے اوقات میں درمیانی سے شدید دُھند چھائے رہنے کی توقع ہے۔
محکمہ موسمیات کے مطابق آج ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا، پنجاب کے بیشتر اضلاع اور بالائی سندھ میں شدید دُھند چھائی رہی۔
رپورٹ کے مطابق آج کم سے کم درجہ حرارت لہہ میں منفی 12، سکردو منفی 11، گوپس منفی 10 ، گلگت منفی 8، قلات، استور منفی 6، کوئٹہ ، بگروٹ منفی 5، دیر، کالام، زیارت اور پشین میں منفی 4 ڈگری سینٹی گریڈ ریکارڈ کیا گیا۔
