اسلام آباد: (دنیا نیوز) محکمہ موسمیات کے مطابق بدھ کے روز ملک کے بیشترعلاقوں میں موسم سرد اور خشک جبکہ پہاڑی علاقوں میں شدید سرد رہنے کا امکان ہے۔
رپورٹ کے مطابق پنجاب کے بیشتر اضلاع اور بالائی سندھ میں صبح، رات کے اوقات میں درمیانی سے شدید دُھند چھائے رہنے کی توقع ہے۔
محکمہ موسمیات کے مطابق شمال مغربی بلوچستان میں چند مقامات پر ہلکی بارش اور برفباری ہو سکتی ہے۔
رپورٹ کے مطابق آج ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد اور جز وی ابر آلود رہا، پنجاب کے بیشتر اضلاع اور بالائی سندھ میں درمیانی سے شدید دُھند چھائی رہی۔
آج کم سے کم درجہ حرارت لہہ میں منفی 12، گوپس منفی 11، استور، سکردو منفی 10، گلگت، کالام منفی 7، ہنزہ منفی 6، بگروٹ، کاکول منفی 5، چترال اور دیر میں منفی 4 ڈگری سینٹی گریڈ ریکارڈ کیا گیا۔
