اسلام آباد: (دنیا نیوز) سپریم کورٹ آف پاکستان نے نئے ججز کی تقرری کے بعد آئندہ ہفتے کا روسٹر اور کاز لسٹ جاری کر دی۔
سپریم کورٹ میں آئندہ ہفتے مقدمات کی سماعت کیلئے 9 بنچ تشکیل دیئے گئے، بنچ نمبر ایک چیف جسٹس یحییٰ آفریدی، جسٹس شفیع صدیقی اور جسٹس میاں گل حسن اورنگزیب ، بنچ نمبر 2 میں جسٹس منصور علی شاہ، جسٹس عقیل احمد عباسی پر مشتمل ہوگا۔
بنچ نمبر 3 جسٹس منیب اختر اور جسٹس عائشہ ملک، بنچ نمبر 4 جسٹس جمال مندو خیل اور جسٹس عامر فاروق اور بنچ نمبر 5 جسٹس اطہر من اللہ، جسٹس عرفان سعادت اور جسٹس ملک شہزاد پر مشتمل ہوگا۔
بینچ نمبر 6 جسٹس شاہد وحید اور جسٹس شکیل احمد، بنچ نمبر 7 میں جسٹس مسرت ہلالی، جسٹس صلاح الدین پنہور اور جسٹس اشتیاق ابراہیم شامل ہوں گے۔
بینچ 8 جسٹس نعیم اختر افغان اور جسٹس شاہد بلال حسن، بینچ نمبر 9 جسٹس سردار طارق مسعود اور جسٹس مظہر عالم میاں خیل پر مشتمل ہو گا۔
جسٹس امین الدین خان کی سربراہی میں 7 رکنی آئینی بنچ 18 سے 20 فروری تک سماعت کرے گا۔
