اسلام آباد: (دنیا نیوز) الیکشن کمیشن نے نااہلی سے متعلق کیس میں جمشید دستی کو جواب جمع کرانے کی ہدایت کر دی۔
الیکشن کمیشن میں پی ٹی آئی کے رکن قومی اسمبلی جمشید دستی کی نااہلی سے متعلق درخواست کی سماعت ہوئی، ممبر سندھ الیکشن کمیشن نثار درانی کی سربراہی میں تین رکنی کمیشن نے کیس کی سماعت کی۔
اس موقع پر جمشید دستی الیکشن کمیشن کے سامنے پیش ہوئے، کمیشن نے پٹیشنرز کو درخواستوں کی کاپیاں جمشید دستی کو دینے کی ہدایت کی۔
الیکشن کمیشن نے جمشید دستی کو بھی 12 مارچ تک تمام درخواستوں پر جواب جمع کرانے کی ہدایت کرتے ہوئے کیس کی سماعت 12 مارچ تک ملتوی کر دی ہے۔
یاد رہے کہ جمشید دستی کے خلاف اثاثہ جات میں غلط بیانی پر نا اہلی کی درخواستیں دائر کی گئی ہیں۔
