اسلام آباد:(دنیا نیوز) اپوزیشن لیڈر قومی اسمبلی عمر ایوب نےکہا ہے کہ میڈیا کا گلہ دبایا جارہا، امن وامان کی خراب صورتحال ہے۔
بیرسٹرگوہرکے ہمراہ پارلیمنٹ کےباہرمیڈیا سےگفتگو کرتے ہوئے عمرایوب کا کہنا تھا کہ بلوچستان کےبارڈرپرپٹرول کی سمگلنگ ہورہی ہےکون ذمہ دارہے؟
انہوں نے کہا کہ پیکا ایکٹ کےتحت میڈیا کا گلا دبایا جارہا ہے، کسان رل گیا ہے،ملک میں امن وامان کی صورتحال خراب ہے۔
بیرسٹر گوہر
چئیرمین پاکستان تحریک انصاف بیرسٹر گوہر کا کہنا تھاکہ صدر پاکستان کا خطاب ہمیں بالکل اچھا نہیں لگا، صدر اپوزیشن چیمبرز سے ہوکر گزرے اور نہ ہی تمام اکائیوں کو متحد کرنے والا خطاب کیا۔
انہوں نے کہا کہ صدر زرداری پوری قوم کو متحد کرنے کیلئے کردار ادا کرنے میں ناکام رہے، ان کی تقریر میں نے نہیں سنی ہے، اڈیالہ جیل کے باہر احتجاج کا کوئی فیصلہ نہیں ہوا ہے۔
صاحبزادہ حامد رضا
دریں اثنا صاحبزادہ حامد رضا نے میڈیا سے گفتگو کرتے ہوئے کہا کہ بانی پی ٹی آئی کی رہائی بغیر کسی بھی ڈیل کے ہونی ہے، میں بات پر قائم ہوں کہ عمران خان کو تین سے چار ماہ میں باہر آتا دیکھ رہا ہے۔
انہوں نے مزید کہا کہ چار میں سے ایک ماہ نکال دیں 3 رہ گئے ہیں بانی پی ٹی آئی اگلے تین ماہ میں جیل سے باہر ہوں گے۔
