اسلام آباد: (دنیا نیوز) اسلام آباد ہائیکورٹ کے قائم مقام چیف جسٹس سرفراز ڈوگر نے عدالت کے مختلف شعبوں کا اچانک دورہ کیا ہے۔
قائم مقام چیف جسٹس اسلام آباد ہائیکورٹ سرفرازڈوگر نے اپنے چیمبر جانے سے پہلے ہائی کورٹ کے مختلف شعبوں کا اچانک دورہ کیا، انہوں نے ہائیکورٹ کی مرکزی ریسیپشن پر سائلین کو فراہم کی جانے والی سہولیات سے متعلق دریافت کیا۔
اسلام آباد ہائیکورٹ کے قائم مقام چیف جسٹس سرفراز ڈوگر نے بائیومیٹرک برانچ اور دائری برانچ کا بھی دورہ کیا اور برانچوں کے فرائض، طریقہ کار اور مسائل سے متعلق دریافت کیا۔
قائم مقام چیف جسٹس اسلام آباد ہائیکورٹ سرفرازڈوگر سرپرائز دورہ کے بعد اپنے چیمبر کی طرف روانہ ہوگئے۔
