اسلام آباد:(دنیا نیوز) رہنما مسلم لیگ(ن) رانا احسان افضل نے کہا ہے کہ تحریک انصاف یرغمال بن چکی ہے۔
دنیا نیوزکے پروگرام ’’ آن دی فرنٹ‘‘میں گفتگو کرتے ہوئے رانا احسان افضل کا کہنا تھا کہ اقتدارسنبھالا توملک ڈیفالٹ کےقریب تھا، ایک وقت تھا آئی ایم ایف قرض بھی نہیں دے رہا تھا، اب ملکی معیشت بہتری کی جانب گامزن ہے۔
انہوں نے کہا کہ ملک میں مہنگائی مسلسل کم ہو رہی ہے، وزیراعظم،وزیراعلیٰ پنجاب کی ترجیح عوام کوریلیف دینا ہے، گزشتہ 8سالوں سےپارلیمنٹرینزکی تنخواہوں میں اضافہ نہیں ہوا تھا۔
رہنما مسلم لیگ(ن) کا کہنا تھا کہ تحریک انصاف والے صرف عمران خان کی رہائی چاہتےہیں، قومی سلامتی کمیٹی اجلاس میں یہ نہیں آئے،عمران خان کو کرپشن کی وجہ سےسزا ہوئی ہے۔
رانا احسان افضل کا مزید کہنا تھا کہ تحریک انصاف یرغمال بن چکی ہے،عمران خان کو جب سزا ہوئی توایک بندہ باہرنہیں نکلا تھا، اب انہوں نےتوامریکا کوبھی ابا بنا لیا ہے۔
