کراچی: (دنیا نیوز) ثانوی تعلیمی بورڈ کراچی نے نویں اور دسویں جماعت کے امتحانات کی تاریخ کا اعلان کر دیا۔
بورڈ اعلامیے کے تحت نویں اور دسویں جماعت کے امتحانات 8 اپریل سے شروع ہوں گے۔
اعلامیے میں بتایا گیا ہے کہ مجموعی طور پر 3 لاکھ 75 ہزار طلبا و طالبات امتحانات دیں گے جس کیلئے 499 امتحانی مراکز قائم کردیئے گئے ہیں جبکہ مراکز کی لسٹ بورڈ کی آفیشل ویب سائٹ پر جاری کر دی گئی ہے۔
دوسری جانب چیئرمین بورڈ کا کہنا ہے کہ طلبا و طالبات کو کمپیوٹرائزڈ آن لائن ایڈمٹ کارڈ جاری کیے گئے ہیں، امتحانی مراکز میں موبائل فون یا کسی قسم کی ڈیوائس لے جانے پر سخت پابندی ہو گی۔
