سیالکوٹ: (دنیا نیوز) الیکشن کمیشن آف پاکستان نے پی پی 52 ضمنی الیکشن کا شیڈول جاری کر دیا۔
پی پی 52 کی سیٹ چودھری ارشد جاوید وڑائچ کی وفات کے بعد خالی ہوئی تھی، شیڈول کے مطابق 22اپریل کو ریٹرننگ آفیسر پبلک نوٹس آویزاں کریں گے، 30 اپریل کو کاغذات کی سکروٹنی کی جائے گی۔
3 مئی کو ریٹرننگ آفیسر کاغذات کی منظوری یا مسترد کرنے کا فیصلہ کرے گا، 13 مئی کو امیدواروں کو انتحابی نشان الاٹ کیے جائیں گے، یکم جون 2025 بروز اتوار پولنگ ڈے ہوگا۔
ارشد جاوید وڑائچ مرحوم مسلم لیگ ن کی سیٹ پر ایم پی اے منتخب ہوئے تھے، ارشد جاوید وڑائچ نے جنرل الیکشن 24 میں 58 ہزار 385 ووٹ لیے، تحریک انصاف کے حمایت یافتہ امیدوار فاخر نشاط گھمن 49 ہزار 850 ووٹ لے کر دوسرے نمبر پر رہے۔
ڈپٹی کمشنر ذوالقرنین لنگڑیال ڈسٹرکٹ ریٹرننگ آفیسر جبکہ محمد اقبال اے ڈی سی آر ریٹرننگ آفیسر مقرر ہوئے ہیں۔
عامر شہزاد ڈپٹی ڈی او ایجوکیشن سمبڑیال اور ناصر محمود ججہ تحصیلدار سمبڑیال اسسٹنٹ ریٹرننگ آفیسر مقرر کیے گئے ہیں، الیکشن کمیشن نے الیکشن ایکٹ 2017 سیکشن 102 کے تحت الیکشن شیڈول جاری کیا۔
