ملتان:(دنیا نیوز) وفاقی وزیر توانائی اویس خان لغاری نے کہا ہے کہ مودی سرکار کی ظلم اور بربریت واضح ہونے کے بعد دو قومی نظریہ سچ ثابت ہوا۔
پنجاب کے ضلع ملتان میں اپنے ایک بیان میں اویس خان لغاری کا کہنا تھا کہ پی ٹی ائی کی حکومت نے پاکستانی ریاست کو بڑا نقصان پہنچایا، مہنگائی کی شرح ون لیگ کی حکومت سے پہلے 40 فیصد تھی۔
انہوں نے کہا کہ پی ٹی آئی کی حکومت نے قرضوں میں 1500 ارب روپے کا اضافہ کیا ، وزیراعلیٰ مریم نواز کی حکومت میں پورا پنجاب صاف ہوا ، بہتر صحت، تعلیم اور دیگر سہولیات فراہم کرنا مریم نواز کا ویژن ہے۔
وفاقی وزیر توانائی نے کہا کہ 3 ہزار چھ سو ارب روپے بڑے ذخیرہ اندوزوں کے کارخانوں سے نکالے، ایک کروڑ 80 لاکھ بجلی کے میٹر میں 60 فیصد ریلیف دیا گیا ، ن لیگ کی حکومت میں رشوت کی شرح کم ہوئی، پچھلے ایک سال میں پاور کمپنیز سے ایک سو ساٹھ ارب روپے حکومتی خزانے کے بچائے ہیں۔
