ممبئی: (دنیا نیوز) بھارتی فوج کے سابق لیفٹیننٹ جنرل ایچ ایس پناگ نے اعتراف کیا کہ جنگ ہوئی تو پاکستان سے بہت مار پڑے گی۔
بھارتی فوج کے سابق لیفٹیننٹ جنرل ایچ ایس پناگ نے کہا کہ پاکستان اب بھی ایک ایٹمی قوت ہے اور جنگ کو برداشت کرنے کی کافی صلاحیت رکھتا ہے، بھارت کے پاس کسی بھی میدان میں میزائل، ڈرون اور فضائی سمیت سمندری طاقت میں کوئی بڑا تکنیکی فائدہ نہیں۔
انہوں نے کہا کہ بھارتی حکومت کو عوامی جذبات کی بنا پر جلد بازی میں فیصلہ نہیں کرنا چاہئے، جنرل ایچ ایس پناگ نے بھارتی حکام کو جوابی کارروائی کے بجائے سوچ سمجھ کر حکمت عملی اپنانے کی ضرورت پر زور دیا۔
