سوات: (دنیا نیوز) سوات اور گردو نواح کے علاقوں میں زلزلے کے شدید جھٹکے محسوس کیے گئے جس سے شہریوں میں خوف و ہراس پیدا ہوگیا۔
زلزلہ پیما مرکز کے مطابق سوات شہر اور گرد و نواح میں آنے والے زلزلے کی شدت ریکٹر سکیل پر 5 ریکارڈ کی گئی ہے۔
رپورٹ کے مطابق زلزلے کی گہرائی 130 کلو میٹر تھی اور زلزلے کا مرکز کوہ ہندوکش ریجن افغانستان تھا۔
ابھی تک زلزلے سے کسی قسم کے جانی و مالی نقصان کی اطلاع نہیں ملی ہے۔
