ڈھاکا میں 4.3 شدت کا زلزلہ، شہریوں میں خوف وہراس پھیل گیا

ڈھاکہ:(ویب ڈیسک )بنگلہ دیش کے دارالحکومت ڈھاکا میں 4.3 شدت کے زلزلے کے جھٹکے محسوس کئے گئے، جانی و مالی نقصان کی کوئی اطلاع نہیں ملی۔

امریکی جیولوجیکل سروسے (یو ایس جی سی) کے مطابق ڈھاکا میں زلزلے کے جھٹکے محسوس کئے گئے، زلزلے کی ریکٹر سکیل پر شدت 4.3 تھی، زلزلے کی گہرائی 10 کلو میٹر تھی۔

غیر ملکی میڈیا رپورٹ میں مزید بتایا گیا کہ زلزلے کے جھٹکوں کے باعث شہریوں میں خوف و ہراس پھیل گیا، تاہم کسی جانی یا مالی نقصان کی کوئی اطلاع نہیں ملی۔