اسلام آباد: (دنیا نیوز) 190 ملین پاؤنڈ کیس میں پیش رفت، بانی پی ٹی آئی اور بشریٰ بی بی کی سزا معطلی درخواستیں 8 مئی کو اسلام آباد ہائی کورٹ میں سماعت کے لئے مقرر ہو گئیں۔
قائم مقام چیف جسٹس سرفراز ڈوگر اور جسٹس محمد آصف سماعت کریں گے، اسلام آباد ہائیکورٹ کے رجسٹرار آفس نے کاز لسٹ جاری کر دی۔
واضح رہے کہ بانی پی ٹی آئی اور بشریٰ بی بی نے سزا معطل کر کے ضمانت پر رہائی کی درخواست دائر کر رکھی ہے۔
دو روز قبل عدالت نے سزا معطلی کی درخواستیں آئندہ ہفتے مقرر کرنے کی ہدایت کی تھی۔
