پشاور: (دنیا نیوز) مرکزی سیکرٹری اطلاعات پاکستان تحریک انصاف شیخ وقاص اکرم نے کہا کہ پاک فوج نے دشمن کو تاریخی جواب دیا، قوم کو فخر ہے۔
پریس کانفرنس کرتے ہوئے مرکزی سیکرٹری اطلاعات پی ٹی آئی شیخ وقاص اکرم نے کہاکہ پاک فوج نے تاریخ میں ایک باب قائم کیا ہے، ہمارے شاہینوں نے اپنا کردار بھرپور انداز سے ادا کیا ہے، شاہینوں نے دنیا کو بتایا کہ شاہین کی طاقت ہے کیا۔
شیخ وقاص اکرم نے کہا کہ افواج پاکستان کی کارکردگی سے پاکستانیوں کا مورال بلند ہوا ہے، ساری قوم ایک ہے،عوام نے ثابت کیا کہ وہ وطن سے محبت کرنے والے ہیں، پاک فضائیہ کے شاہینوں نے پیشہ ورانہ مہارت کی نئی تاریخ رقم کی۔
انہوں نے کہا کہ دنیا نے پاکستان کی دفاعی صلاحیتوں کا اعتراف کیا، بانی پی ٹی آئی نے جیل میں رہ کر بھی مودی کو للکارا، بانی کے دور میں دفاع مضبوط، طاقت کا توازن قائم ہوا، ہزاروں سیاسی کارکن آج بھی قید ہیں، جمہوری آواز بلند کرنے والے کارکن جیلوں میں کیوں؟۔
شیخ وقاص اکرم کا کہنا تھا کہ پشاور: قومی یکجہتی ممکن نہیں جب تک سیاسی انتقام بند نہ ہو، آزادیِ اظہار اور آزاد صحافت کا تحفظ ناگزیر ہے۔
انہوں نے کہا کہ یومِ تشکر قومی غیرت، دفاع اور آئین کی بالادستی کا دن، وطن کے دفاع اور جمہوریت کی بحالی تک جدوجہد جاری رہے گی، پاکستان زندہ باد! قوم کے بیٹوں کو سلام۔
