آپریشن 'بُنْيَانٌ مَّرْصُوْص' میں غیرمعمولی شجاعت پر فوجی جوانوں کو ایوارڈز عطا

راولپنڈی: (دنیا نیوز) پاک فوج کے شعبہ تعلقات عامہ کے مطابق آپریشن 'بُنْيَانٌ مَّرْصُوْص' میں غیرمعمولی شجاعت پر فوجی جوانوں کو ایوارڈز عطا کر دیئے گئے۔

آئی ایس پی آر کے مطابق مسلح افواج کے افسران اور جوانوں کیلئے فوجی اعزازات دیئے گئے، صدر مملکت نے آپریشن  بُنْيَانٌ مَّرْصُوْص  کے دوران غیرمعمولی شجاعت اور قربانی پر ایوارڈز کی منظوری دی۔

پاک فوج کے شعبہ تعلقات عامہ کے مطابق ایوارڈز میں 8 ستارہ جرأت، 5 تمغہ جرأت، 24 ستارہ بسالت، 45 تمغہ بسالت شامل ہیں۔

آئی ایس پی آر کے مطابق اعزازات میں 146 امتیازی اسناد، 259 چیف آف آرمی سٹاف توصیفی کارڈز اور ایک تمغہ امتیاز ملٹری عطا کیا گیا۔

پاک فوج کے شعبہ تعلقات عامہ کے مطابق ونگ کمانڈر بلال رضا، حماد ابن مسعود، سکواڈرن لیڈر ایم یوسف خان کو ستارہ جرات عطا کیا گیا۔

آئی ایس پی آر کے مطابق سکواڈرن لیڈر محمد اسامہ اشفاق، حسن انیس، طلال حسن، فدا محمد خان اور فلائٹ لیفٹیننٹ محمد اشہد عامر کو بھی ستارہ جرات سے نوازا گیا۔

پاک فوج کے شعبہ تعلقات عامہ کے مطابق حوالدار عامر شیراز شہید، نائیک عبدالرحمان شہید، لانس نائیک اکرام اللہ شہید سمیت سپاہی عدیل اکبر شہید اور کیپٹن علی حسن کو تمغہ جرأت عطا کیا گیا۔

سپاہی نصیر علی شہید، لیفٹیننٹ جنرل محمد عاصم ملک، لیفٹیننٹ جنرل نعمان ذکریا، لیفٹیننٹ جنرل سید عامر رضا، لیفٹیننٹ جنرل محمد ظفر اقبال، لیفٹیننٹ جنرل شاہد امتیاز، لیفٹیننٹ جنرل احمد شریف چودھری، میجر جنرل واجد عزیز کو ستارہ بسالت عطا کیا گیا۔

میجر جنرل کاشف عبداللہ، میجر جنرل سید محمد جواد طارق، میجر جنرل تجدید ممتاز، کیپٹن محمد حیدر علی، وائس ایڈمرل راجہ رب نواز، ریئر ایڈمرل عبدالمُنیب، ریئر ایڈمرل فیصل امین، ریئر ایڈمرل شہزاد حامد، کیپٹن محمد عاطف امین کو بھی ستارہ بسالت عطا کیا گیا۔

ایئر وائس مارشل محمد احسان الحق، ایئر وائس مارشل اورنگزیب احمد، ایئر کموڈور عطا اللہ زیب، ایئر کموڈور ضیا آفتاب، ایئر کموڈور محمد نعمان علی خان، ایئر کموڈور علی جاوید ہاشمی ، ایئر کموڈور سجاد حیدر کو بھی ستارہ بسالت ایوارڈ سے نوازا گیا۔

آئی آیس پی آر کے مطابق حوالدار محمد نوید شہید، نائیک محمد وقار خالد شہید، لانس نائیک دلاور خان شہید، بریگیڈیئر محمد ابرار افضل، بریگیڈیئر مبشر احمد عباسی، بریگیڈیئر افنان احتشام، لیفٹیننٹ کرنل ظہیر عباس، لیفٹیننٹ کرنل محمد شاہزیب رفیع، میجر شہریار ساجد کو تمغہ بسالت عطا کیا گیا۔

لیفٹیننٹ محمد بلال ندیم، نائب صوبیدار محمد عمران، حوالدار محمد فہیم، حوالدار محمد الطاف، حوالدار فلک ناز، حوالدار عامر اقبال، حوالدار رفت خان، لانس نائیک شوکت عباس، سپاہی نثار احمد، سپاہی مقصود الرحمان، سپاہی نجم عزیز، سپاہی جابر حسین، کموڈور راؤ احمد عمران انور کو تمغہ بسالت عطا کیا گیا۔

سکواڈرن لیڈر عثمان یوسف شہید، ایئر کموڈور عدیل شہاب قریشی، ایئر کموڈور فرحان ضیا، ایئر کموڈور جہانزیب برکی، ایئر کموڈور اظہر حسن، ایئر کموڈور رانا الیاس حسن، ایئر کموڈور سید محمد کامران عابد، کیپٹن محمد سلمان، ونگ کمانڈر وجیہ اللہ میاں، ونگ کمانڈر محمد شفاعت سعید کو بھی تمغہ بسالت دیا گیا۔

ونگ کمانڈر ملک رضوان الحق افتخار، ونگ کمانڈر حیدر اعجاز، ونگ کمانڈر جنید اعظم ، ونگ کمانڈر اویس نذیر، سکواڈرن لیڈر جبران رشید، سکواڈرن لیڈر کاشف بشیر، سکواڈرن لیڈر حسان خان، سکواڈرن لیڈر محمد ذیشان، سکواڈرن لیڈر محمد سعد کو تمغہ بسالت عطا کیا گیا۔

پاک فوج کے شعبہ تعلقات عامہ کے مطابق سکواڈرن لیڈر سعد عارف، سکواڈرن لیڈر عامر غفور، سکواڈرن لیڈر محمد ارقم رئیس، فلائٹ لیفٹیننٹ محمد نعمان شفیق کو بھی تمغہ بسالت ایوارڈ سے نوازا گیا۔