اسلام آباد:(دنیا نیوز) وزرات مذہبی امور نے کہا ہے کہ سرکاری حج سکیم کے تحت 13 دن میں 1 لاکھ ساڑھے 14 ہزار سے زائد درخواستیں موصول ہوئیں۔
ترجمان مذہبی امور کے مطابق ساڑھے تین ہزار باقی نشستیں مکمل ہونے تک درخواستوں کی وصولی جاری رکھنے کا فیصلہ کیا گیا ہے۔
ترجمان کا کہنا تھا کہ نامزد بینکوں کو حج درخواستوں کی وصولی جاری رکھنے کی ہدایت کی گئ ہے ، خواہش مند درخواست گزار جلد از جلد قریبی بینک میں حج درخواست جمع کروائیں۔
علاوہ ازیں ترجمان مذہبی امور میں مزید بتایا کہ بقیہ ساڑھے تین ہزار نشستیں مکمل ہوتے ہی درخواستوں کی وصولی روک دی جائے گی۔
