لاہور:(دنیا نیوز) رہنما مسلم لیگ ن عابد شیر علی نے کہا ہےکہ خیبرپختونخوا حکومت دھمکیاں نہ دے ماضی سے سبق سیکھے۔
دنیا نیوز کے پروگرام’’آن دی فرنٹ‘‘میں گفتگو کرتے ہوئے عابدشیرعلی کا کہنا تھا اسلام آباد دھرنےمیں فیض حمید نے پیسے تقسیم کیے، فیض حمید جیسے لوگ بھی بری الذمہ نہیں ہوسکتے،اگر اس وقت چیف جسٹس کے فیصلے پرعمل کیا ہوتا توآج یہ واقعات نہ ہوتے۔
اُنہوں نے کہا کہ غزہ میں جنگ بندی ہوچکی اب احتجاج کی کیا ضرورت تھی؟ گزشتہ تین دنوں سےسڑکوں پر تماشا کیا گیا،ٹی ایل پی والے کس کےخلاف لانگ مارچ کررہےتھے؟ اگریادداشت پیش کرنا تھی تووفد کےہمراہ جایا جاسکتا تھا۔
رہنما مسلم لیگ ن کا کہنا تھا کہ ایک طرف افغانستان کا حملہ ہوا، دوسری طرف ٹی ایل پی سڑکوں پر محرکات کو دیکھنا پڑا ، ماضی کےواقعات سے سبق سیکھنا ہو گا،خیبرپختونخوا حکومت کو دھمکیاں نہیں دینی چاہیے، تحریک انصاف کو اپنی پالیسی پر نظرثانی کرنا ہوگی۔
