مانچسٹر: (دنیا نیوز) برطانیہ کیلئے پی آئی اے کی پروازیں 5 سال بعد بحال ہوگئیں۔
قومی ایئر لائن کی پہلی پرواز 284 مسافروں کو لے کر مانچسٹر پہنچ گئی، برطانیہ میں مقیم پاکستانیوں میں خوشی کی لہردوڑ گئی، اوورسیز پاکستانیوں کی بڑی تعداد استقبال کیلئے ایئر پورٹ پر پہنچی۔
وزیر دفاع خواجہ آصف اور برطانوی ہائی کمشنر جین میریٹ نے فلائٹ کو الوداع کیا تھا، اسلام آباد ایئرپورٹ پر خصوصی تقریب ہوئی تھی، وزیر دفاع نے فلائٹ آپریشن بحالی کا افتتاح کیا تھا۔
خواجہ آصف کا کہنا تھاکہ قومی ایئر لائن پر پابندی سے ملک کی ساکھ متاثر ہوئی، کامیابی موجودہ حکومت کی ترجیحات کی درستگی کا نتیجہ ہے، برطانیہ اور یورپ میں سفارتکاروں نے پاکستان کا مقدمہ بھرپور انداز میں لڑا، ہم نے پی آئی اے کے معیار کو دوبارہ بحال کیا، ابتدائی طور پر ہفتہ وار 2 پروازیں منگل اور ہفتے کو آپریٹ ہونگی۔
برطانوی ہائی کمشنر کا کہنا تھا کہ مزید شہروں میں فلائٹ آپریشن جلد بحال ہو گا، وزیر اعظم کی برطانیہ کیلئے پی آئی کی پروازوں کی بحالی پر قوم کو مبارکباد دیتا ہوں انہوں نے کہا کہ قومی ایئر لائن کی ساکھ کو کئی برس کی محنت کے بعد بحال کیا۔
