بہاولپور: (دنیا نیوز) لاہور ہائیکورٹ بہاولپور بینچ نے گندم کا سرکاری ریٹ کالعدم قرار دے دیا۔
عدالت نے پنجاب حکومت کا 3500 روپے فی من کا نوٹیفکیشن کالعدم قرار دیا، عدالت کا کہنا ہے کہ حکومت نے نرخ مقرر کرتے وقت کاشتکاروں اور متعلقہ فریقین کو اعتماد میں نہیں لیا۔
لاہور ہائیکورٹ بہاولپور بینچ نے فیصلہ قانون اور انصاف کے تقاضوں کے منافی قرار دیا، عدالت نے کہا گندم کی قیمت کا تعین شفاف طریقۂ کار کے تحت کیا جائے۔
عدالت کا مؤقف کہ کاشتکاروں کو ان کی محنت کا مناسب معاوضہ ملنا چاہیے، عدالت نے صوبائی حکومت کو ہدایت کی کہ ازسرِنو نرخ مقرر کرنے کے لیے مجاز اتھارٹی سے مشاورت کرے، فیصلہ جسٹس عابد حسین چھٹہ نے سنایا۔
