اسلام آباد:(دنیا نیوز) وفاقی وزیر قانون اعظم نذیر تارڑ نے کہا ہے کہ مشترکہ پارلیمانی کمیٹی نے 27ویں آئینی ترمیم کے مجوزہ ڈرافٹ منظور کرلیا۔
سینیٹ اجلاس کے دوران صحافیوں سے گفتگو کرتے ہوئے اعظم نذیر تارڑ کا کہنا تھا کہ بل میں شامل شقوں پر تقریباً تمام کام مکمل ہوگیا ہے۔
اُنہوں نے کہا کہ کچھ تجاویز جو بعد میں آئین ہیں اُن پر بات چیت جاری ہے، خیبرپختونخوا کے صوبہ کے نام کی تبدیلی بارے کچھ بات ہوئی ہے، ایم کیو ایم اور باپ پارٹی کی تجاویز پر اب غور کیا جا رہا ہے۔
وفاقی وزیر قانون کا مزید کہنا تھا کہ اے این پی اور باپ پارٹی کی تجاویز پر اپنی اپنی قیادت سے بات ہو گی، وقفہ اس لیے ہی کیا گیا ہے، سیاسی جماعتیں اپنی قیادت سے بات کر لیں، مشترکہ پارلیمانی کمیٹی نے 27ویں آئینی ترمیم کے مجوزہ ڈرافٹ منظور کرلیا۔
اعظم نذیر تارڑ نے مزید کہا کہ پارلیمانی کمیٹی نے 27ویں آئینی کی مجوزہ ڈرافٹ میں شامل 49 ترامیم منظور کر لیں، اتحادی جماعتوں کی ترامیم پر وقت مانگا ہے، ترمیم کا مجوزہ ڈرافٹ کل سینیٹ اجلاس میں منظور کیلئے پیش کیا جائے گا۔
