کراچی: (دنیا نیوز) سٹیل مل چورنگی کے قریب تیز رفتار ٹرالر کی ٹکر سے موٹر سائیکل سوار شخص جان کی بازی ہار گیا۔
ذرائع کے مطابق روڈ حادثے میں جاں بحق ہونے والے شخص کی شناخت تاحال نہ ہوسکی، بدقسمت نوجوان کی لاش کو ہسپتال منتقل کر دیا گیا ہے جبکہ شناخت کا عمل جاری ہے۔
حادثے کے بعد ڈرائیور ٹرالر چھوڑ کر موقع سے فرار ہو گیا، پولیس نے ٹرالر کو تحویل میں لے کر تھانے منتقل کر دیا، فرار ہونے والے ڈرائیور کی تلاش جاری ہے۔
