لاہور: (دنیا نیوز) ملک کے میدانی علاقے شدید دھند کی لپیٹ میں ہیں جس کی وجہ سے موٹرویز کو کئی مقامات سے ٹریفک کیلئے بند کر دیا گیا۔
ترجمان موٹروے پولیس کے مطابق شدید دھند کی وجہ سے موٹروے ایم 1 پشاور سے رشکئی تک اور موٹروے ایم 3 فیض پور سے درخانہ تک بند ہے۔
حکام نے بتایا کہ موٹروے ایم 4، پنڈی بھٹیاں سے شیر شاہ تک اور موٹروے ایم 5 روہڑی سے شیر شاہ تک بند ہے، اس کے علاوہ موٹروے ایم 11 لاہور سے سمبڑیال تک بند ہے۔
مزید برآں موٹروے ایم 14 کوٹ بیلیاں سےعیسیٰ خیل تک دھند کی وجہ سے بند ہے، جبکہ دھند کے باعث ایئرپورٹس پر پروازوں کا شیڈول بھی متاثر ہوا ہے۔
