عطا اللہ تارڑ نے کہا کہ عشرت فاطمہ کی نیوز کاسٹنگ اور براڈکاسٹنگ سروسز کے حوالے سے ایک پہچان ہے، انہوں نے اپنے 45 سالہ کیریئر میں ملک کیلئے خدمات سر انجام دیں، پاکستان کا بچہ بچہ ان کو جانتا ہے، عشرت فاطمہ پاکستان ٹیلی ویژن کی پہچان ہیں۔

وفاقی وزیر اطلاعات نے کہا کہ عشرت فاطمہ سے درخواست کی ہے کہ بطور مینٹور پاکستان ٹیلی ویژن آئیں، عشرت فاطمہ نے ہمیشہ پیشہ ورانہ انداز سے کام کیا، ان کا کبھی سیاست سے کوئی تعلق نہیں رہا، انہوں نے پروفیشنل طور پر اپنی پوری زندگی گزاری ہے۔

اس موقع پر عشرت فاطمہ کا کہنا تھا کہ وزیر اطلاعات کی جانب سے عزت افزائی کی مشکور ہوں، حوصلہ افزائی اور محبت کا اظہار ہمیشہ یاد رکھا جائے گا۔