علاقائی
خلاصہ
- ملتان سے سو بسوں پر مشتمل قافلہ تحریک انصاف کے جلسے میں شرکت کیلئے لاہور روانہ ہو گیا۔
لاہور روانگی سے قبل پارٹی عہدیداروں کی کثیر تعداد نے ڈھول کی تھاپ پررقص کیا اور آتش بازی کا خصوصی مظاہرہ کر کے اپنی خوشی کو دوبالا کیا۔ اس موقع پر پارٹی رہنماؤں کا کہنا تھا کہ عمران خان انقلاب کی علامت ہیں جن کی قیادت میں ہزاروں عہدیدار متحد ہو کر مینار پاکستان کے سائے میں حلف لے کر نئے پاکستان کی بنیاد رکھیں گے۔ روانگی کے موقع پر پارٹی عہدیداروں نے جانوروں کی قربانی کا صدقہ دیا اور پر آمن جلسے کیلئے خصوصی دعا بھی کی۔
