کیلیفورنیا: (دنیا نیوز) کیلیفورنیا میں کھیلے گئے فٹبال میچ میں لاس اینجلس گلیکسی کو ڈالاس کے ہاتھوں تین دو سے شکست، ناکام ٹیم کی جانب سے سپر سٹار ابراہیمووچ نے 2 گول کیے جو ان کی ٹیم کے کام نہ آ سکے۔
امریکی ریاست کیلفورنیا میں فٹبال کا بڑا مقابلہ، میچ میں لاس اینجلس گلیکسی کی ٹیم نے ڈالاس کی ٹیم کا سامنا کیا، ٹیم ڈالاس نے پہلا گول 34ویں منٹ میں داغ کر برتری حاصل کی۔ اس کے بعد انہوں نے 40ویں اور پھر 66ویں منٹ میں گول کر کے تین صفر کی برتری حاصل کی۔
لاس اینجلس کی جانب سے ابراہیمووچ نے 69 ویں منٹ میں پہلا گول کر کے مخالف ٹیم کی برتری کچھ کم کی، اضافی وقت میں انہوں نے دوسری بار گیند کو جال میں پہنچایا لیکن بدقسمتی سے وہ اپنی ٹیم کو کامیابی نہ دلا سکے۔
