لاہور: (دنیا نیوز) فٹبال کے دو عالمی ستارے لوئس فیگو اور کاکا پاکستان پہنچ گئے۔ دونوں دس گھنٹے قیام کے دوران کراچی میں پریس کانفرنس بھی کریں گے۔
برازیلین کھلاڑی کاکا اور پرتگال کے لوئس فیگو کراچی پہنچ گئے جہاں مقامی ہوٹل میں پریس کانفرنس کے دوران اپریل میں ہونے والے دو میچز کی تفصیل اور پاکستان میں فٹ بال کی ترقی کے حوالے سے اظہار خیال کریں گے۔ بعد ازاں وہ لاہور کے شاپنگ مال میں شائقین فٹ بالرز سے ملاقات کرنے کے بعد رات دس بجے کی فلائٹ سے دبئی روانہ ہوجائیں گے۔
منتظمین کے مطابق عالمی شہرت یافتہ فٹ بالرز کو پاکستان لانے کا مقصد ملک میں فٹ بال کے کھیل کو فروغ دینا ہے۔
