لندن:(ویب ڈیسک) پاکستانی نژاد برطانوی باکسر عامر خان نے ریٹائرمنٹ کا اعلان کر دیا ہے۔
سماجی رابطے کی ویب سائٹ ٹوئٹر پر پیغام جاری کرتے ہوئے عامر خان نے ریٹائرمنٹ کا اعلان کرتے ہوئے کہا کہ اپنے گلوز اتارنے کا وقت آگیا ہے، میں خود کو خوش قسمت سمجھتا ہوں کہ مجھے ایسا حیرت انگیز کیریئر ملا ہے جو 27 سال پر محیط ہے، میں دل کی گہرائیوں سے شکریہ ادا کرنا چاہتا ہوں اور ان ناقابل یقین ٹیموں کا جن کے ساتھ میں نے کام کیا ہے، اپنے خاندان، دوستوں، مداحوں کا اس محبت اور حمایت کے لیے جو انہوں نے مجھے دی ہے۔
It’s time to hang up my gloves.
— Amir Khan (@amirkingkhan) May 13, 2022
I feel blessed to have had such an amazing career that has spanned over 27 years.
I want to say a heartfelt thanks and to the incredible teams I have worked with and to my family, friends and fans for the love and support they have shown me. pic.twitter.com/VTk0oxVjp2
انہوں نے کہا کہ میں نے اپنی توقع سے زیادہ کھیلا، شاید میں بہت جلد کھیل کی بلندی پر پہنچ گیا، میں نے اولمپکس میں حصہ لیا اس وقت میری عمر 17 سال تھی، میں نے 22 سال کی عمر میں ورلڈ ٹائٹل جیتا، میں اب 35 سال کا ہوں، میں بہت طویل عرصے سے رنگ میں ہوں، اب میں اس کھیل کے لحاظ سے بوڑھا ہو رہا ہوں، اب میں اپنے بچوں اور اپنے خاندان کے ساتھ زیادہ وقت گزارنا چاہتا ہوں۔
