کراچی: (دنیا نیوز) کراچی گرامر سکول نے ریفلیکشنز انٹر سکولز فٹبال چیمپئن شپ جیت لی۔
ریفلیکشنز انٹر سکولز فٹبال چیمپئن شپ کے فائنل میں کراچی گرامر سکول (کے جی ایس) نے میزبان ریفلیکشنز سکول کو 1-2 سے شکست دے کر ٹرافی اپنے نام کی۔
میچ کا پہلا گول کے جی ایس کے میکائل عارفین نے شاندار انداز میں سکور کیا، کے جی ایس نے میچ کے آغاز سے ہی جارحانہ کھیل کا مظاہرہ کیا اور حریف ٹیم کو دباؤ میں رکھا۔
کے جی ایس کے کپتان ثناء اللہ خان نے اپنی شاندار قیادت اور صلاحیتوں کا مظاہرہ کرتے ہوئے نہ صرف پہلا گول اسسٹ کیا بلکہ خود بھی فیصلہ کن گول کر کے ٹیم کو فتح دلائی، ان کی اس بہترین کارکردگی کے باعث انہیں مین آف دی میچ قرار دیا گیا۔
کے جی ایس کے مڈفیلڈر کریم علی عطا نے بھی اپنی شاندار کارکردگی سے سب کو متاثر کیا اور انہیں پلیئر آف دی ٹورنامنٹ قرار دیا گیا۔
