لندن: (ویب ڈیسک) فیفا نے کلب ورلڈ کپ میں حصہ لینے والی ٹیموں کو ایک ارب ڈالرز سے زائد کا انعام دینے کا اعلان کر دیا۔
غیر ملکی میڈیا کی رپورٹس کے مطابق کلب ورلڈ کپ رواں سال 14 جون سے 13 جولائی کے درمیان امریکا میں منعقد ہو رہا ہے۔
فٹبال کی گورننگ باڈی فیفا کے مطابق اس سال 32 ٹیمیں جن میں 12 یورپ کی ہیں جو کلب ورلڈ کپ میں حصہ لیں گی جن کے لیے ایک ارب ڈالرز کی ریکارڈ انعامی رقم مقرر کی گئی ہے۔
فیفا کے صدر جیانی انفنٹینو نے کہا ہے کہ رواں سال ممکنہ طور پر 2 ارب ڈالرز تک آمدنی کی امید ہے جسے کلب ورلڈ کپ میں حصہ لینے والی ٹیموں اور دنیا بھر کے کلب فٹ بال کے لیے وقف کیا جائے گا، فیفا ایک ڈالر بھی نہیں رکھے گا۔
