پشاور : (دنیا نیوز) خیبرپختونخوا حکومت نے 35ویں نیشنل گیمز میں کھلاڑیوں کی شرکت کیلئے 68 ملین روپے کی منظوری دیدی۔
محکمہ کھیل خیبرپختونخوا کے مطابق یکم تا 9 مئی سندھ میں ہوینوالی نیشنل گیمز میں صوبے کے 460 کھلاڑی شرکت کرینگے، نیشنل گیمز میں کھلاڑیوں کے ساتھ 70 منیجرز اور کوچز بھی سندھ جائینگے، خیبرپختونخوا کے 460 کھلاڑی نیشنل گیمز کے 32 مقابلوں میں حصہ لیں گے۔
صوبائی محکمہ کھیل کی جانب سے بتایا گیا کہ نیشنل گیمز میں کھلاڑیوں کی حتمی فہرست بنانے کیلئے اپریل میں ٹرائلز ہونگے، قومی کھیلوںمیں شرکت کیلئے کھلاڑیوں، کوچز اور منیجرز کے اخراجات حکومت برداشت کریگی ، کھیلوں میں حصہ لینے والے 460 کھلاڑیوں کو بیگز، شوز اور دیگر سامان حکومت فراہم کریگی۔
