کراچی: (ویب ڈیسک) چوتھی طورسم خان پی ایس اے سیٹلائٹ سکواش چیمپئن شپ پاکستان ائیر فورس کے محمد عماد نے جیت لی۔
پاکستان نیوی روشن خان جہانگیر خان سکواش کمپلیکس پر مینز ایونٹ کے فائنل میں محمد عماد نے سیڈ 3 واپڈا کے عبداللہ نواز کو1-3 سے شکست دی۔
نمرہ بتول نے سمیرا شاہد کو 0-3 سے ہرا کر ویمن ایونٹ اپنے نام کیا، انڈر 14 بوائز کے فائنل میں فضل رحمن نے طہور طاہر کو 0-3 سے مات دی۔
آخر میں مہمان خصوصی سابق عالمی چیمپئن جہانگیر خان نے انعامات تقسیم کیے۔
