لندن: (ویب ڈیسک) لیورپول کے مسلسل تین میچوں میں بنچ پر بیٹھنے کے بعد محمد صلاح لیورپول سے ناراض ہوگئے۔
33 سالہ مصری فٹ بالر نے کہا ہے کہ ناکامی کا ملبا ڈال کر انہیں ’قربانی کا بکرا‘ بنایا جارہا ہے۔
انٹرویو کے فوراً بعد صلاح کو چیمپئنز لیگ سکواڈ سے باہر کر دیا گیا، منیجر سلٹ نے وضاحت کی کہ یہ کوئی سزا نہیں بلکہ سکواڈ سلیکشن کا فیصلہ ہے۔
لیورپول کے سابق کپتان جیمی کیراگر نے صلاح کے بیان کو کلب اور مینجر پر دباؤ ڈالنے کے لیے حربہ قرار دے دیا، ادھر سعودی پرو لیگ نے صلاح کے ساتھ 200 ملین ڈالر کے معاہدے کی تیاری تیز کردی۔
