انٹرنیشنل چولستان جیپ ریلی کے لئے 500 کلو میٹر کا دشوار گزار ریسنگ ٹریک تیار کرلیا گیا جبکہ جیپ ریلی میں 120 سے زیادہ ڈرائیورز کی شرکت متوقع ہے، ڈرائیور حضرات اپنی اپنی گاڑیوں کی تیاریوں میں مصروف ہیں۔

میر نادر مگسی کی لکی گاڑی ٹیکوما ایک بار پھر ریس کے لیے تیار جبکہ سابق چمپئین زین محمود بھی کامیابی کی ہیٹرک کے لیے پُرامید ہیں۔

جیپ ریلی کی افتتاحی تقریب کا انعقاد 10 فروری ہوگا جبکہ گاڑیوں کی رجسٹریشن اور ٹیکنیکل معائنہ سمیت ڈرائیور کانفرس11 فروری کو منعقد ہوگی اور 12 فروری کو دل واش اسٹیڈیم قلعہ ڈیراور میں ریس کے کوالیفائنگ راؤنڈ ہوگا۔

مرداور خواتین کیٹگریز ریس کا پہلا راؤنڈ 13 فروری کو ہوگا جبکہ سٹاک کیٹیگریز ریس اور کلچرل نائٹ آتش بازی کا مظاہرہ 14 فروری کو کیا جائے گا۔

مرد خواتین کیٹگریز کا فائنل راؤنڈ ،ڈرٹ بائیک ،کوارڈ ریس،ٹرک ریس اور تقریب تقسیم انعامات 15 فروری کو منعقد کی جائے گی۔