تازہ ترین
  • بریکنگ :- چناب نگر:بارشوں کےباعث دریائےچناب میں پانی کی سطح بلندہونےلگی
  • بریکنگ :- چناب نگر:پانی کابہاؤایک لاکھ 55 ہزارکیوسک ریکارڈکیاگیا
  • بریکنگ :- ہیڈقادرآبادکےمقام سےڈیڑھ لاکھ کیوسک کاریلاچنیوٹ کی طرف بڑھ رہاہے
  • بریکنگ :- 24گھنٹےکےدوران مزیدڈیڑھ لاکھ کیوسک پانی کاریلا گزرےگا،کنٹرول روم
  • بریکنگ :- دریائےچناب کےکنارےآبادمکینوں کوفلڈوارننگ جاری کردی گئی،ڈپٹی کمشنر
  • بریکنگ :- چناب نگر:ریسکیو ودیگرمحکموں نےفلڈریلیف کیمپ قائم کردیئے،ڈپٹی کمشنر

سماجی فاصلہ: ایپل نے سیلفی لینے کا حل تلاش کر لیا

Last Updated On 08 June,2020 06:59 pm

نیو یارک: (ویب ڈیسک)کورونا وائرس سے بچاؤ کے لیے سب سے ضروری چیز سماجی فاصلے کو قرار دیا گیا ہے جس کے باعث سب ہی لاک ڈاؤن میں دوستوں کے ساتھ گھومنے پھرنے اور سیلفی لینے کو یاد کر رہے ہیں۔

ایسے میں مقبول ٹیکنالوجی کمپنی ایپل نے ایسا حل تلاش کر لیا ہے جس سے دوستوں کے ساتھ سماجی فاصلہ بھی برقرار رہے گا اور سیلفی بھی لی جا سکے گی۔

ٹیکنالوجی ویب سائٹ دی ورج کے مطابق ایپل کو ایک ایسے سافٹ ویئر کا پیٹینٹ فراہم کیا گیا ہے جس سے وہ مصنوعی طور پر گروپ سیلفی یا پھر اپنے کسی قریبی دوست کے ساتھ سیلفی بنا سکتا ہے۔

یعنی اس سافٹ ویئر کے ذریعے صارف اپنی لی گئی کسی بھی سیلفی کو دوسروں کی سیلفی کے ساتھ ایڈٹ کر سکے گا۔

اس سافٹ ویئر کے تحت نہ صرف فوری طور پر لی جانے والی تصاویر کو سیلفی میں شامل کیا جاسکتا ہے بلکہ ان تصاویر کو بھی ایڈٹ کیا جاسکتا ہے جو پہلے سے آرکائیو میں موجود ہوں یا کوئی اسکرین گریب ہو۔

اس کی خاص بات یہ ہے کہ صرف اس کا اصل صارف ہی گروپ سیلفی میں تبدیلی کر سکے گا جیسے دوسری سیلفی یا اپنی سیلفی کی پوزیشن وغیرہ کو تبدیل کرنا ہو۔

تاہم اب تک کمپنی کی جانب سے اس بات کی حتمی تاریخ نہیں بتائی گئی کہ اس سافٹ وئیر کو کب تک آئی فون، لیپ ٹاپس اور آئی پیڈ میں شامل کیا جائے گا۔