سیول: (ویب ڈیسک) جنوبی کوریا کی ٹیکنالوجی کمپنی سام سنگ کے موبائل فونز اب پاکستان میں تیار ہونگے، اس اہم پر اس کا لکی گروپ کیساتھ معاہدہ طے پا گیا ہے۔
اس معاہدے پر بات کرتے ہوئے وزیراعظم عمران خان کے معاون خصوصی ڈاکٹر شہباز گل نے بتایا کہ پاکستان کے لئے ایک اور اچھی خبر ہے کہ سام سنگ نے لکی گروپ کے ساتھ پاکستان میں اپنے فون تیار کرنے کے لئے مقامی شراکت دار کی حیثیت سے معاہدہ کیا ہے۔
الحمداللہ
— Dr. Shahbaz GiLL (@SHABAZGIL) July 16, 2021
پاکستان کے لئے ایک اور اچھی خبر
سام سنگ نے لکی گروپ کے ساتھ پاکستان میں اپنے فون تیار کرنے کے لئے مقامی شراکت دار کی حیثیت سے معاہدہ کیا ہے۔
حکومت کی مقامی مینوفیکچرنگ پالیسی کی کارکردگی کا ثبوت ہے
انشاء اللہ یہ یونٹ دسمبر 2021 ء تک پیداوار کا آغاز کر دے گا pic.twitter.com/0R8xYbhy5l
سماجی رابطوں کی ویب سائٹ ٹویٹر پر جاری بیان میں ڈاکٹر شہباز گل نے لکھا کہ حکومت کی مقامی مینوفیکچرنگ پالیسی کی کارکردگی کا ثبوت ہے۔ انشاء اللہ یہ یونٹ دسمبر 2021 ء تک پیداوار کا آغاز کر دے گا۔
خیال رہے کہ سام سنگ کمپنی کی پاکستان میں ایک موبائل مینوفیکچرنگ یونٹ قائم کرنے کیلئے تین سرمایہ کاروں سے بات چیت جاری تھی۔