خلاصہ
- بیجنگ: (ویب ڈیسک) ٹک ٹاک دیگر حریف ایپس کو کڑا وقت دینے کی تیاریوں میں سرگرم عمل ہے، اسی کے پیش نظر ٹک ٹاک نے دیگر پلیٹ فارمز کی طرح ایک اور فیچر متعارف کروادیا ہے۔
خیال رہے کہ سٹوری کا فیچر ٹک ٹاک سے پہلے انسٹاگرام، فیس بُک ، اسنیپ چیٹ اور واٹس ایپ پر بھی دستیاب ہے، کچھ عرصہ قبل ایسا ہی فیچر ٹوئٹر نے بھی متعارف کروایا تھا جسے اب ختم کردیا گیا ہے۔
میڈیا رپورٹس کے مطابق ٹک ٹاک نے اپنے حریف سوشل میڈیا پلیٹ فارم انسٹاگرام کو ٹف ٹائم دینے کے لیے ’سٹوریز ‘کے فیچر کی جانچ کا آغاز کردیا ہے۔
ٹک ٹاک سٹوریز کے نام سے منسوب یہ فیچر ٹک ٹاک صارفین کو اسٹوری پر مختصر ویڈیو پوسٹ کرنے کی اجازت دیتا ہے جو کہ آئندہ 24 گھنٹوں بعد خود بخود غائب ہوجائے گی۔
More screenshots of TikTok Stories pic.twitter.com/1PVfgJ9YWT
— Matt Navarra (@MattNavarra) August 4, 2021
ٹک ٹاک کے فیچر سٹوریزکے حوالے سے اعلان ٹوئٹر پر سوشل میڈیا کنسلٹنٹ میٹ نوارا کی جانب سے سامنے آیا، سوشل میڈیا کنسلٹنٹ نے ٹوئٹر پر نئے فیچر کی تصاویر شیئر کرتے ہوئے صارفین کو آگاہ کیا۔
بعد ازاں کمپنی کی جانب سے نئے فیچر کی جانچ کے آغاز سے متعلق تصدیق سامنے آئی، فی الحال ٹک ٹاک سٹوریز کا فیچر پلیٹ فارم پرچند صارفین کے لیے متعارف کروایا گیا ہے۔
