دبئی: (ویب ڈیسک) دبئی میں بس سٹیشنز پر مسافروں کی سہولت کیلئے مفت وائی فائی کی فراہمی کا آغاز کیا جا رہا ہے۔
دبئی روڈز اینڈ ٹرانسپورٹ اتھارٹی (آر ٹی اے) کے ترجمان کے مطابق متحدہ عرب امارات کی ریاست دبئی کے چار بس سٹیشنز پر آج سے مفت وائی فائی کی سہولت فراہم کر دی جائے گی۔
آر ٹی اے کے مطابق یہ سروس ابتدائی طور پر ستوا، یونین، الغبیبہ اور گولڈ سوق بس سٹیشنوں پر فعال کی جائے گی۔
اس کے بعد اسے دبئی کے دیگر بس سٹیشنوں تک توسیع دینے کی منصوبہ بندی کی جا رہی ہے تاکہ مسافروں کو سہولت فراہم کی جا سکے۔
یہ اقدام دبئی کے عوامی ٹرانسپورٹ کے نظام میں مزید جدت اور سہولت لانے کیلئے کیا گیا ہے جس سے مسافروں کو سفر کے دوران انٹرنیٹ تک رسائی حاصل ہوگی۔
