واشنگٹن (روزنامہ دنیا) امریکہ میں پیدائشی طور پر دو ٹانگوں سے محروم کتے کو پہیے لگا دئیے گئے جس کے بعد وہ عام کتوں کی طرح دوڑنے بھاگنے لگا۔
میڈیا رپورٹس کے مطابق یہ کتا ایک جینیاتی خرابی کے باعث پیدائشی طور پر اپنی اگلی دو ٹانگوں سے محروم تھا، اس کی اگلی دو ٹانگیں پوری طرح سے نشوونما نہیں پاسکی تھیں۔ ابتدا میں یہ رینگ کر چلتا تھا، تاہم جلد ہی اسے ویٹرن ٹیکنیشن نے گود لے لیا اور اس نے کچھ عرصے بعد کتے کیلئے خصوصی پہیے بنائے، ان پہیوں کا سائز کتے کے قد کے حوالے سے تبدیل کیا جاتا رہا۔
ابتدا میں کتے کو ان پہیوں کے ساتھ چلنے میں مشکلات کا سامنا کرنا پڑا، بعد میں اسے باقاعدہ پریکٹس کروائی گئی جس کے بعد کتا ان پہیوں کا عادی ہو گیا اور اب ان پہیوں کے ساتھ یہ ننھا سا کتا ہر جگہ آسانی سے گھومتا پھرتا ہے۔
