سینٹ پیٹرز برگ: (روزنامہ دنیا) روس کے شہر سینٹ پیٹرزبرگ میں منچلوں نے ریموٹ کنٹرول گاڑیوں کو دشوار رکاوٹوں سے گزارنے کا انوکھا مظاہرہ کیا۔
میڈیا رپورٹ کے مطابق ان ریموٹ کنٹرول گاڑیوں نے لکڑی کے موٹے ٹکڑوں سے لے کر مصنوعی پلوں سمیت دیگردشوار راستوں کو عبور کیا۔ بچوں اور بڑوں کی بڑی تعداد نے یہ انوکھا مظاہرہ دیکھا اور خوب لطف اندوز ہوئے۔
اس مقابلے میں دنیا کے مختلف ملکوں کے کئی کھلاڑی حصہ لیتے ہیں جو اپنی مہارت کا مظاہرہ کرکے خوب داد وصول کرتے ہیں۔ متعدد شائقین نے آئندہ ہونیوالے اس دلچسپ مقابلے میں شرکت کی خواہش کا اظہار کیا۔
