لاہور: (ویب ڈیسک) امریکی ریاست ٹیکساس سے حیران کن خبر آئی ہے، 16 سالہ لڑکی کی ٹانگیں اتنی لمبی ہیں کہ دیکھنے والا حیران رہ جاتا ہے۔ اس لڑکی نے اپنا نام ریکارڈ بک میں درج کرا لیا ہے۔
غیر ملکی خبر رساں ادارے کے مطابق لڑکی کی عمر 16 سال ہے، اس کا نام میکی کرن ہے اور اس کا تعلق ریاست ٹیکساس کے علاقے آسٹن سے ہے، ٹانگوں کی پیمائش 53 انچ کے قریب ہے۔ اس سے قبل یہ ریکارڈ روسی لڑکی لسینا کے پاس تھا، جس کی ٹانگوں کی پیمائش 52.2 انچ تھی اور قد 6 فٹ 9 انچ ہے۔
غیر ملکی خبر رساں ادارے کے مطابق میکی کرن کے قد لمبا ہونے کی وجہ سےوہ بہت مشکلات کا شکار ہیں اور اکثر اوقات ان کو اپنی ٹانگوں کے حساب سے کپڑے نہیں ملتے جس کی وجہ سے انہیں کافی دقت کا سامنا کرنا پڑتا ہے۔ ان کی روز مرہ مشکلات میں سب سے مشکل گھر کے دروازے سے گزرنا شامل ہے۔ جب میکی پیدا ہوئی تھی اس وقت 19 انچ کے قریب اس کی ٹانگیں تھیں۔ جب اس کی عمر 9 سال تو اس بچی کا قد 5.7 فٹ تھا۔
میکی کی والدہ 55 سالہ ٹرش کا غیر ملکی خبر رساں ادارے کو کہنا تھا کہ جب میری بیٹی ہوئی تو مجھے محسوس ہوا کہ اس کا قد دیگر لڑکیوں سے قدرے زیادہ ہے۔ مدر ڈے کے موقع پر جب میں نے اسے پکڑا تو وہ باقی بچوں کے مقابلے میں کافی لمبی تھی۔
لڑکی کی والدہ کا مزید کہنا تھا کہ جب میری بیٹی دیگر لڑکیوں کیساتھ کھڑی ہوتی تو ایسا لگتا تھا جیسے میری بیٹی دو سال کی ہے۔ جب اس کی عمر پانچ سال ہوئی تو اس کی ٹانگوں کے بڑھنے کی رفتار ہر سال پانچ انچ نوٹ کی گئی جو بہت زیادہ ہے۔ اس سے قبل میں سمجھتی تھی کہ میری ٹانگیں لمبی ہیں لیکن میری بیٹی کی ٹانگیں بہت زیادہ لمبی ہیں۔
ٹرش کا کہنا ہے کہ میرا قد 5 فٹ 7 انچ ہے جبکہ اس کے والد 52 سالہ کیمرون کا قد 6 فٹ 5 انچ ہے اور اس کے 17 سالہ بھائی کا قد 6 فٹ تین انچ ہے۔
16 سالہ میکی کا کہنا ہے کہ میں اپنے آپ پر فخر محسوس کرتی ہوں، اب میری ٹانگوں کے بڑھنے کی رفتار کم ہو گئی ہے، میں جب نویں کلاس میں تھی تو میری ٹانگوں کی بڑھنے کی رفتار رُک گئی۔ اکثر اوقات میں مجھے اپنی ٹانگوں میں کئی بار درد بھی محسوس ہوتا تھا جو نہایت بھیانک ہے۔
ان کا کہنا تھا کہ میرے لیے بہت سی مشکلات ہیں، گاڑی میں بیٹھ نہیں سکتی، گھر کا دروازہ عبور نہیں کر سکتی اور میرے لیے سب سے مشکل کام مجھے اپنے ناپ کے کپڑے بھی نہیں ملتے۔ میں جینز کی پینٹ نہیں پہن سکتی کیونکہ مجھے میرے ناپ کی پینٹ نہیں ملتی بہت ہی مشکل کے بعد مجھے کولوروڈو میں ایک ایکسٹرا لانگ کی پینٹ ملی۔
میکی کا کہنا تھا کہ جب میں کبھی مال اور شاپنگ کے لیے جاتی ہوں تو ہر کوئی میری طرف دیکھنا شروع کر دیتا ہے، کچھ شہری مجھ سے پوچھے بغیر میرے ساتھ تصویریں لینا شروع کر دیتے ہیں۔
اتنی لمبی ٹانگیں ہونے کے باوجود 16 سالہ میکی کا کہنا ہے کہ اس سب کے باوجود بھی میں ماڈلنگ میں اپنا کیریئر بنانا چاہتی ہوں، جب آپ دوستوں کے ساتھ کسی بھیڑ والی جگہ میں جاتے ہیں اور ہمارے دوست کہی گم جاتے ہیں تو انہیں ڈھونڈنا مشکل ہو جاتا ہے، تو یہ کام میرے لیے بہت آسان ہوتا ہے کیونکہ میرا قد دیگر دوستوں کی نسبت زیادہ بڑا ہے۔
گینز بک ریکارڈ کی عالمی تنظیم میکی کے قد کے حوالے سے ابھی اس کی تصدیق ہونی ہے تاہم اس لڑکی میکی کا والدہ کا کہنا ہے کہ میری بیٹی دنیا کی دوسری دراز قد لڑکی ہے۔
