نئی دہلی: (ویب ڈیسک)پاکستان اور جنوبی ایشیا میں شادی کی مختلف روایات ہیں جہاں مختلف طور طریقوں سے شادی کی رسومات ادا کی جاتی ہیں، ہر کوئی اپنی شادی کے موقع پر یادگار بنانا چاہتا ہے، اس کے لیے جتن بھی کرنے پڑتے ہیں لیکن ایک خبر بھارتی ریاست ناگالینڈ سے آئی ہے جسے پڑھ کر ہر کوئی حیران رہ گیا ہے،
عرب خبر رساں ادارے ’’گلف نیوز‘‘ کے مطابق ناگا لینڈ کے شہر دیماپور میں ہفتے کے روز ہونے والی شادی میں دلچسپ مرحلہ اُس وقت آیا کہ جب نیا نویلا جوڑا جدید ہتھیاروں کے ساتھ سٹیچ پر پہنچا۔
سوشل میڈیا پر وائرل ہونے والی تصاویر میں دیکھا جاسکتا ہے کہ دلہن نے سفید رنگ کا عروسی جوڑا جبکہ دلہا نے تھری پیس زیب تن کیا ہوا تھا۔
.jpg)
سٹیج پر جدید ہتھیاروں سے لیس دلہن دلہا کو دیکھ کر مہمان حیران ہوئے البتہ جب اُن کو کلاشنکوف اور ایم 16 لانے کا مقصد بتایا گیا تو وہ ہنسی نہ روک سکے۔
میڈیا رپورٹ کے مطابق دلہن کی خواہش تھی کہ اپنی شادی پر کچھ انوکھا کرے اور دلہا کے ساتھ اسی انداز سے تصاویر بنوائے۔ دلہا اے کے 56 اور دلہن ایم 16 گن کے ساتھ اسٹیج پر آئی اور دونوں نے مختلف انداز سے تصاویر بنوائیں۔
سوشل میڈیا پر تصویر وائرل ہونے کے بعد صارفین نے حکام سے مطالبہ کیا کہ وہ اس طرز عمل کو روکیں بصورت دیگر مستقبل میں کوئی بھی خطرہ پیش آسکتا ہے۔
