کینیڈا میں موسمیاتی تبدیلی کا نیا روپ، گالف بال سائز کے اولے برسنے لگے

Published On 29 July,2023 07:22 pm

اوٹاوا: (دنیا نیوز) کینیڈا میں موسمیاتی تبدیلی نئے روپ میں سامنے آنے لگی، دار الحکومت اوٹاوا میں تیز بارش کے بعد شدید ژالہ باری ہوئی جس کے دوران گالف بال سائز کے اولے برسنے لگے۔

دارالحکومت اوٹاوا میں موسم گرما میں اولے پڑنے سے گھروں اور گاڑیوں کے شیشے ٹوٹ گئے، درختوں اور دیگر املاک کو بھی شدید نقصان پہنچا، نظام زندگی شدید متاثرہو گیا۔

اوٹاوا کے مختلف علاقوں میں کئی گھنٹے بجلی کی سپلائی منقطع رہی، 10 ہزار سے زائد افراد متاثر جبکہ ہزاروں لوگ گھروں میں محصور ہو کر رہ گئے، انتظامیہ نےمتاثرہ علاقوں میں بحالی کا کام شروع کر دیا۔

Advertisement