واشنگٹن: (ویب ڈیسک) آئی فون نہ ملنے پر ڈاکو چھینا گیا موبائل واپس دے گئے۔
غیر ملکی میڈیا کی رپورٹس کے مطابق امریکی دارالحکومت واشنگٹن ڈی سی میں ڈکیتی کا عجیب واقعہ پیش آیا ہے۔
میڈیا رپورٹس کے مطابق متاثرہ شخص اپنے اپارٹمنٹ کے باہر گاڑی کھڑی کر کے اندر جانے لگا تو 2 نقاب پوش مسلح افراد اس کے پاس آ گئے، ڈاکوؤں نے اسلحے کے زور پر اس کے پاس موجود تمام قیمتی سامان چھین لیا اور فرار ہوگئے۔
مذکورہ شخص کے سامان میں پیسے، گاڑی کی چابی اور موبائل فون بھی شامل تھا۔
تاہم جب ڈاکوؤں کو احساس ہوا کہ چھینا گیا فون آئی فون نہیں بلکہ اینڈرائیڈ فون ہے تو اسے یہ کہہ کر واپس کر دیا کہ ہمیں لگا کہ یہ آئی فون ہے، لیکن یہ تو اینڈرائیڈ ہے، یہ ہمیں نہیں چاہیے، اس کی ہمیں ضرورت نہیں۔
