ٹوکیو: (ویب ڈیسک) جاپان میں ایک ایسا کیفے ہے جسے صرف منفی سوچ رکھنے والے افراد کیلئے مخصوص کیا گیا ہے۔
جاپانی دارالحکومت ٹوکیو کے ضلع شیموکیتازاوا میں موجود ’موری اوچی‘ کیفے صرف مایوس اور منفی رجحانات رکھنے والے لوگوں کو سروس فراہم کرنے کیلئے مشہور ہے۔
کیفے کو اس نوعیت کے بنانے کے ذمہ دار خود کیفے کے بانی ہیں جو خود بھی منفی رجحانات کے حامل ہیں جنہیں ایک دہائی قبل ہم خیال لوگوں کیلئے ایسا کیفے بنانے کا آئیڈیا آیا۔
تاہم کیفے کو اصل میں کھولنے کا فیصلہ انہوں نے کورونا وبا کے دوران کیا۔
بانی کیفے کا کہنا تھا کہ انہوں نے ہمیشہ محسوس کیا تھا کہ منفی لوگ دوسروں کے مقابلے میں زیادہ حساس اور زیادہ آسانی سے جذباتی طور پر زخمی ہوتے ہیں، اس لیے انہوں نے ان کیلئے مخصوص جگہ بنائی ہے۔
