بہار: (ویب ڈیسک) بھارت میں پولیس مندر سے دلہا اور دلہن کو اٹھا کر تھانے لے گئی۔
بھارتی میڈیا رپورٹ کے مطابق بہار کے ضلع باگھلپور کے علاقے نارتھ نگر میں واقع مندر میں پولیس نے جوڑے کو شادی کرنے سے روک دیا۔
دلہا دلہن نے بالوں میں سندور بھرا، پولیس وہاں پہنچی اور دلہا اور دلہن کو برآمدے سے ناتھ نگر تھانے لے گئی۔
اطلاعات کے مطابق لڑکی کی عمر 23 سال اور لڑکے کی عمر 25 سال ہے، شادی میں جوڑے کے تمام رشتے دار بھی مبارکباد دینے پہنچے تھے، اسی دوران نامعلوم لڑکے نے 112 پر پولیس کو فون کر کے اطلاع دی کہ منوکمنا ناتھ مندر میں ہونے والی شادی ایک نابالغ لڑکی ہے اور اس سے زبردستی شادی کرائی جا رہی ہے۔
اطلاع ملتے ہی پولیس موقع پر پہنچی اور لڑکے اور لڑکی کو تھانے لے آئی، جہاں انہیں گھنٹوں بیٹھا کر پوچھ گچھ کی گئی۔
اس دوران گھر والوں نے ہنگامہ کھڑا کر دیا، تفتیش کی گئی تو ڈائل 112 پولیس کو موصول ہونے والی معلومات جھوٹی نکلیں، اس کے بعد تقریباً ایک بجے دلہا اور دلہن کو دوبارہ مندر لے جایا گیا، جہاں شادی کی تمام رسومات ادا کی گئیں۔
ناتھ نگر کے انسپکٹر راجیو رنجن سنگھ نے بتایا کہ دونوں فریقین راضی ہوگئے اور دلہا اور دلہن کو اپنے ساتھ لے گئے، جس کے بعد شادی کی تقریب مکمل ہوئی۔
انسپکٹر راجیو رنجن سنھگ نے کہا کہ غلط معلومات دینے والے لڑکے کی تلاش کی جا رہی ہے۔
