ممبئی: (ویب ڈیسک) بھارت میں گول گپے فروخت کرنے والے ٹھیلے پر لڑکوں کی انٹری بند ہونے کا بورڈ لگا دیا جس کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق یہ دلچسپ ویڈیو سوشل میڈیا پر لوگوں کی توجہ کا مرکز بن گئی کیونکہ گول گپوں کے سٹال پر واضح طور پر انگریزی میں لڑکوں کی انٹری بند کرنے کا لکھا ہے۔
ویڈیو میں دیکھا جاسکتا ہے کہ سٹال کے اردگرد صرف لڑکیاں ہی دکھائی دے رہی ہیں،ویڈیو نے سوشل میڈیا پر مزاحیہ بحث بھی چھیڑ دی۔
— Ghar Ke Kalesh (@gharkekalesh) December 11, 2025
اس ویڈیو کلپ میں دو لڑکیاں ہنستے ہوئے سٹال والے کی طرف اشارہ کرتی ہیں اور کہتی ہیں کہ انکل ہماری سیفٹی کے لئے کتنا سوچ رہے ہیں، سن لو لڑکو! تمہارے ساتھ بہت امتیازی سلوک ہو رہا ہے، ویڈیو کے آخر میں دونوں لڑکیاں مسکرا بھی رہی ہیں۔
