تازہ ترین
  • بریکنگ :- جب حق کی بات کرتےہیں توکہتےہیں آپ کاسیاست میں کیا کام،فضل الرحمان
  • بریکنگ :- عمران خان کبھی کہتےہیں چین جیسا نظام لےکرآئیں گے،فضل الرحمان
  • بریکنگ :- کبھی ایران جیساانقلاب توکبھی ریاست مدینہ کی بات کرتےہیں،فضل الرحمان
  • بریکنگ :- عمران خان کی حکومت بیرونی ایجنڈےپرعمل پیراہے،مولانافضل الرحمان
  • بریکنگ :- ہمیں معلوم ہےآپ آئین کےساتھ کس طرح مذاق کررہےہیں،فضل الرحمان
  • بریکنگ :- لسبیلہ: پی ٹی آئی حکومت نے معیشت تباہ کردی،مولانا فضل الرحمان
  • بریکنگ :- عمران خان کہتےہیں مجھےنکالاتوخطرناک بن جاؤں گا،فضل الرحمان
  • بریکنگ :- لسبیلہ: ہمیں آپ سے کوئی خطرہ نہیں،مولانا فضل الرحمان
  • بریکنگ :- آپ کوپہلےبھی کچھ نہیں سمجھااب بھی کچھ نہیں سمجھتے،فضل الرحمان

تمام مسلمانوں کو عید مبارک، ترجمان چینی وزارت خارجہ

Last Updated On 31 July,2020 08:12 pm

بیجنگ: (ویب ڈیسک) چینی وزارت خارجہ کے ترجمان لی جیان زاؤ نے عید الاضحیٰ پر مبارکباد دیتے ہوئے کہا کہ محفوظ رہیں۔

سماجی رابطے کی ویب سائٹ ٹویٹر پر اپنے ایک بیان میں چینی وزارت خارجہ کے ترجمان لی جیان زاؤ نے لکھا کہ مسلمانوں کو عید الاضحیٰ منانے والوں کو عید مبارک،یہ کورونا وائرس کی وباء کے دوران دوسری عید ہے جو منائی جا رہی ہے۔ محفوظ رہیں۔

اس سے قبل پاکستان میں برطانوی ہائی کمشنر کرسچن ٹرنر نے بھی تمام مسلمانوں کو عید الاضحیٰ کی مبارکباد دی تھی۔

سماجی رابطے کی ویب سائٹ پر ویڈیو پیغام میں پاکستان میں برطانوی ہائی کمشنر کرسچن ٹرنر کا کہنا تھا کہ عید الاضحیٰ ہمیں قربانی کی یاد دلاتی ہے۔ ہماری قربانیوں کا نتیجہ ہے کہ پاکستان میں کورونا کے کیسز کم ہو رہے ہیں۔

یہ بھی پڑھیں: تمام مسلمانوں کو عید الاضحیٰ مبارک ہو: برطانوی ہائی کمشنر کرسچن ٹرنر

انہوں نے تمام مسلمانوں کو عید الاضحیٰ کی مبارکباد دیتے ہوئے کہا کہ یہ عید ہمیں قربانی کی یاد دلاتی ہے، ہم سب نے کورونا کے دوران بہت کچھ قربان کیا ہے۔

ویڈیو بیان میں برطانوی ہائی کمشنر کا کہنا تھا کہ ہم نے کھیلوں کو قربان کیا ہے، پاکستان انگلینڈ کرکٹ سیریز بہت اہم ہے، ہم چھکا لگا کر بیماری کو ہار دیں گے، ہم نے اپنوں سے دوری کی بھی قربانی دی ہے۔

ویڈیو پیغام میں ڈاکٹر کرسچن ٹرنر کا کہنا تھا کہ مجھے افسوس ہے کہ کورونا کی وجہ سے پورا پاکستان نہیں گھوما، ہماری قربانیوں کا نتیجہ ہے کہ پاکستان میں کورونا کے کیسز کم ہو رہے ہیں، بڑی عید پر بڑی حفاظت ضروری ہے۔

ان کا کہنا تھا کہ خوشی سے بتانا چاہتا ہوں برٹش ایئرویز پاکستان کے لیے دوبارہ سے اپنی پروازیں شروع کر رہی ہے، یہ پاک برطانیہ دوستی کا اظہار ہے، دوست ہی مشکل وقت میں ساتھ دیتے ہیں۔